New subject: [GALPon] ...de Metainformación en gestor de archivos.

30 Dec 2008

Ola que tal.
Estiven a buscar a maneira de que un xestor de arquivos mostre a
metainformación dos arquivos ao estilo do que fai o explorador de
arquivos de Windows XP, por exemplo, no que se poden seleccionar
columnas na vista detallada como número de páxinas, dimensións das
fotos, etc.
Instalei dez ou doce xestores de arquivos, pero non vin en ningún que se
poida facer algo similar. Tamén busquei algún programa que permita
manexar directamente esa información, pero só atopei cousas para
gráficos, e interesaríame para documentos de texto (pdf, doc, odt, ...).
Os comandos 'file' e 'extract' xa os probei, valeríanme incluso, pero
non me dan a información que preciso.
O que me mosquea é que por exemplo en Nautilus, se miro as propiedades
dun PDF, podo ver a información que me interesa na pestaña 'Documento',
pero é tarea ardua facer esto un por un, mellor se fora como en Windows
:-P (ollo, que tampouco me di o número de páxinas dun PDF ou ODT)...
Pois iso, a ver se vos sona de algo cómo poder facer isto.
Saúdos, e feliz aninovo.