O Venres, 6 de Decembro de 2013 20:39:53 Jason P. escribiu: Nunca. Aínda que si que sufrín un Kernel Panic por mor dunha tarxeta de rede XD A verdade é que de Manjaro só sei de oídas, nunca a probei e non sigo o seu desenvolvemento. En realidade paquetes mellor revisados que os de Arch Linux non vas atopar nas distribucións derivadas, nin en moitas outras distribucións independentes. Se algo saben facer ben os de Arch Linux é empaquetar. A wiki de Arch Linux é unha das mellores que existen en distribucións, e está pensada tanto para principiantes como para expertos. De feito, as instrucións de instalación veñen tanto en versión acurtada como en versión detallada en extenso para os que o fan por primeira vez (ou hai moito que non o fan, como me pasou a min a última vez que axudei a alguén a instalalo, que non lembraba xa nada :). Non creo que vaias necesitar nada máis que o wiki, pero sempre te quedan os foros de Arch, por suposto, e podes contactar coa lista de GALPon ou comigo persoalmente para se te ves atascado.