Penso que é moi importante distinguir o detalle nesta proposta de Miguel -- temos que ter, evidentemente, un funcionamento interno o mais plural e democrático posible dentro do grupo de traballo e entre nos, pero é *absolutamente vital* que presentemos unha postura conxunta e coordinada de cara ao exterior. Ten boa razón Francisco en que o 2M non é o apocalipse nen moito menos -- o Software Ceibe existiu antes, e existirá despois. Ten necesariamente que trascender esta situación. Pero é que a necesidade dun grupo que nos coordine un pouco e que presente un interlocutor claro de cara á sociedade xa viña de antes do goberno do bipartito: sempre estivo aí, precisamente porque hai demasiadas "sensibilidades" que en realidade se diferencian por cuestións que para a maioría da poboación -- esa á que temos que convencer -- lle parecen bizantinos. (Aproveito tamén este correo para comentarvos a todos que non me esquenzo de que temos asuntos pendentes ca Xunta e co tema das licenzas, Galinux e demais -- asuntos que quedaron truncados polas eleccións e que hai que retomar en canto as augas se calmen. Acho, por certo, que este "grupo de representantes" podería ser unha boa canle para xestionar estes temas.) Denís.