---------- Mensaje reenviado ---------- Subject: [Mesagalega] [Fwd: Sobre o acordo programático co PSdG: Novas Tecnoloxías.] Date: Viernes, 1 de Julio de 2005 12:01 From: "Suso Baleato" <suso(a)ultreia.org> To: mesagalega(a)ffii.org Xentes: Ista é a mensaxe que acabo de enviar ao responsabel da Comisión de Novas Tecnoloxías do BNG, co que acabo de manter unha conversa telefónica. Agardo novas da xente que está a contactar co PSOE. Despois de darlle unhas voltas, penso que dende a Mesa debemos centrarnos en lograr que o acordo programático BNG-PSdG inclúa a promoción de estandares abertos. Se iso debe facerse baixo a forma de neutralidade tecnolóxica ou se debe facerse baixo a escolla do software libre, é algo que deberíamos decidir na lista e propoñerllo masticado a ambos partidos para facilitar o acordo. Comezamos a traballar niso? No que se refire ao concurso vía urxente da Xunta, penso que o noso traballo debe consistir en trasladarlle aos partidos políticos e a quen corresponda a advertencia do que iso supón: un cabalo de troia do emporio HP-Compaq-Microsoft que impedirá calquera acción de goberno sobre a rede da Xunta durante a próxima lexislatura. Pola parte positiva sobre todo: se a administración pública emprega estandares abertos, moitas empresas poderán comezar a ofrecer servizos que niste momento só poden ser desenvolvidos por quen teña a certificación correspondente -ademais das licencias, os cursos e todo o demais. No caso de Sanidade, supón unha privatización encuberta da xestión de rede, e se iso non preocupa aos partidos políticos, é por que non están a ter en conta que quen controla a rede controla o sistema. Os datos sanitarios dos pacientes non poden estar en mans de empresas privadas. Saúde, Suso. ---------------------------- Original Message ---------------------------- Subject: Sobre o acordo programático co PSdG: Novas Tecnoloxías. From: "Suso Baleato" <suso(a)ultreia.org> Date: Fri, July 1, 2005 8:48 am -------------------------------------------------------------------------- Bos días Mario: Póñome en contacto contigo como voceiro da Mesa Galega pola Libre Innovación, o capítulo galego da FFII -Foundation for a Free Informational Infrastructure-, unha organización non gubernamental con sede en Munich (Alemania). A Mesa Galega pola Libre Innovación é un grupo de interese conformado por empresas, organizacións non gubernamentais e outras instáncias da sociedade galega vencelladas ás novas tecnoloxías da información e da comunicación. Tal como te informaba por teléfono, dende a Mesa estamos a traballar para que o acordo programático de goberno promova o uso de estandares abertos no ámbito da administración pública galega. Esto facilitará a interoperabilidade de solucións técnicas, o que ten unha clara incidencia na xeneración de emprego a través de novos emprendementos empresariais endóxenos, un verdadeiro incentivo para a industria galega do software. O acordo programático podería consistir en establecer un criterio de neutralidade tecnolóxica tal como foi proposto polo executivo central, ou idealmente apostar polo software libre tal como teñen feito outras administracións autonómicas tamén gobernadas polo PSOE. Posto que constatamos a coincidencia nesta materia nos programas eleitorais de ambos partidos e na súa práctica política, consideramos que un achegamento en torno a esta materia resultaría realmente doado, e mesmo podería actuar como catalizador para o consenso noutras materias vencelladas coma cultura, sanidade, educación ou industria. No que se refire aos concursos de servizos informáticos convocados pola Xunta de Galiza, o meu motivo de preocupación atópase en que afectan aos pontos neurálxicos da rede informática: as consellerías de Presidencia, que xestiona a rede de comunicacións, e a de Sanidade, que iniciou un proceso de privatización que pretende ser afianzado con ise concurso. Caso de que estes concursos sexan concedidos tal como é previsibel, resultará materialmente imposibel no decurso desta lexislatura encetar accións de goberno coherentes cos compromisos de ambos partidos, abrindo ademais unha vía para o control externo destas redes a través das cais flúen os datos de xestión destas instancias administrativas. Personalmente considero que o papel tanto do BNG coma do PSdG debería ser o de paralizar a concesión destes concursos até que se garantice que a concesión responda aos critérios do novo goberno. Fico á túa disposición para ampliar estas cuestións e póñome á túa disposición para quedar en calquera momento personalmente ou no contexto de calquera reunión que poiderades considerar oportuna. Un saúdo, Suso Baleato. _______________________________________________ MesaGalega mailing list MesaGalega(a)ffii.org http://lists.ffii.org/mailman/listinfo/mesagalega ------------------------------------------------------- -- ----------------------------------------- Carlos Rodriguez <capri99(a)gmail.com>