Vou seguir coa quenda pedichona destes días, de cousas que necesitamos para esLibre. Necesitamos 4 teléfonos (smartphone) deses que tendes apartados por obsoletos, queremos empregalos como cámaras de vídeo. o único que necesitamos é que se lles poida instalar e funcionen coa apli DroidCam (anexo o manual mellorado). Só necesitamos que se conecten por wifi e incluso ata nin iso, sempre que poidamos empregaremos conexión por cable. Necesitamos, tamén, 8 computadores portátiles. 4 Deberán poder mover un navegador actualizado, recibir por USB o cable da cámara e, tamén por USB unha interface de son. Os outros 4 serán usados polos relatores e manexarán as presentacións (solicitamos que as envíen en PDF), conectados aos videoproxectores. Sempre haberá alguén que traia a presentación en formato odp ou MD e incluso alguén pode traer algún vídeo. Xa nos contaredes, agradecemos que sexa o antes posíbel, xa que senón teremos que tramitar o xeito de alugalos e o tempo bótase enriba.