GALPon celebrará a I edición da BarCamp Verán 09, con temas de elevada índole técnica coma a creación dun punteiro láser co mando da Wii, traballar con Mono, Arquitectura ARM e mesmo discusión entre Compilación de ficheiros fontes ou traballo cos paquetes binarios. Ainda que nunha BarCamp non hai un guión a seguir e calquera tema é válido dentro dunhas regras, esta primeira edición partirá dos asuntos indicados con anterioridade pero que poden rematar noutros totalmente diferentes, de ahí que sexa importante a participación dos asistentes (é mesmo obrigatoria) xa que sen compartir coñecemento non ten sentido facer un evento deste tipo ;-) Unha BarCamp, máis aló da súa estrutura organizativa extremadamente flexible, debería contemplar un certo código ético que pode resumirse nas seguintes formulacións: 1. As ideas e as propostas teñen valor pola súa calidade intrínseca, non pola fonte ou a persoa que as propón. Nunha BarCamp non hai gurus, nin personalidades. 2. A conversación e o intercambio libre presiden todas a actividades. Nunha BarCamp non hai normas de inscrición, nin portas pechadas. 3. Os produtos, ideas, propostas, etc. que xorden nunha BarCamp pertencen á colectividade que as xerou. Nunha BarCamp non hai "propietarios", nin "dereitos de autor". Este evento se realizará o día 18 de Xullo a partires das 20:00h e coincidirá coa reunión mensual que realiza a Asociación o último sábado de cada mes pero que nesta ocasión se adianta porque o día 25 é festividade. O lugar de celebración será a Cafetería Medalla de Oro, na rúa López de Neira 5, preto da rúa do Príncipe, en Vigo A participación neste evento está totalmente aberta a calquera persoa interesada en coñecer e compartir coñecemento relacionado co Software Libre ou tecnoloxías próximas. Máis info en: http://www.galpon.org/drupal/node/291 -- ----------------------------------------- Carlos Rodriguez <capri99(a)gmail.com> GALPon.org - "Abrindo as portas do Sofware Libre" VoIP SIP <capri99(a)ekiga.net>