Hola galponeir@s! Non hai moito, leía en Slashdot un artigo acerca de como xerar sinais DVB-T (de televisión dixital) empregando só unha tarxeta VGA, e máis o software correspondente. O artigo, escrito por Frabice Bellard (o autor do QEMU, ffmpeg e máis cousas) está na seguinte dirección: http://fabrice.bellard.free.fr/dvbt/ Nese artigo, tamén explica como xerar unha sinal PAL a partires da VGA, seguindo un proceso parecido ó anterior, e pon como exemplo a imaxe de Lenna (típica). O caso e que picado pola curiosidade, e debido a que o modo de video que pide Fabrice non está dispoñible en todas as tarxetas VGA, estiven escribindo un software para xerar sinais PAL a partires de VGA, pero programable (acepta diversos modos). Dado a que empreguei para o experimento o meu querido Toshiba Libretto, o modo de video que tiven que usar e bastante extraño (800x1000), pero os resultados son "excelentes". Como exemplo, adxunto dúas imaxes significativas: - test EIA 1956: http://mir.montelnor.com/~miguel/vgadac/images/dsc01672.jpg - foto de Galpon con Stallman: http://mir.montelnor.com/~miguel/vgadac/images/dsc01668.jpg Na dirección http://mir.montelnor.com/~miguel/vgadac/ tedes o software (sen instruccións). Se alguén está interesado, que me envíe un mail. NOTA: para os que pensen que todo isto é unha parida, que agora todas as tarxetas VGA levan salida de televisión: A salida creada polo programa é totalmente programable (con excepcións), polo que se pode xerar calquera sinal de ancho de banda DotClock/2, sexa analóxica (PAL, sonido, radio AM e FM), dixital DBV-T, etc. Agora mesmo estou traballando en conseguir un xerador de sinal universal de baixo custo. Saúdos, e sorte para os exámes de Setembro!