Boletín de novas de Cidadania - Febreiro 2012

Boletín de novas de Cidadania ¿As imaxes non se ven correctamente? Engade boletin(a)info.cidadania.coop <mailto:boletin@info.cidadania.coop> a tua axenda agora. *_Resultados da rede EuSumo_* <http://www.eusumo.coop> Esta iniciativa da Consellería de Traballo e Benestar para a promoción do autoemprego baixo fórmulas de economía social. O certo é que, poucos meses despois, o modelo de traballo da Rede Eusumo ofrece resultados tanxibles que consideramos moi positivos: o máis claro é que xa naceron catro cooperativas, e outros 20 grupos promotores están en diferentes momentos de maduración das súas ideas de actividade. Tamén se realizaron moitas actividades de formación para diferentes públicos, desde os máis pequenos, con quen se traballan habilidades para a cooperación e a toma de decisións democrática, ata os maiores a quen se lles achegan as características das cooperativas e sociedades laborais. O equipo técnico da Rede Eusumo está conformado por persoal das cooperativas Xedega, Ardora e Cidadania. Séguenos en Facebook <http://www.facebook.com/cidadania.coop> Páxina web <http://www.cidadania.coop> *_Dinamización nos centros de ensino_ <http://www.ucetag.org/principal.php>* As habilidades cooperativas deben aprenderse e ensaiarse dende pequenos. Deste xeito podemos conseguir que o modelo económico do futuro sexa máis xusto, solidario e cooperativo. Este é o empeño que ten a UCETAG, Unión de Cooperativas de Ensino. Cidadania colabora con ela na elaboración de materiais didácticos para a aprendizaxe do cooperativismo e os seus valores, orientados aos tres ciclos de primaria: desde os 6 ata os 12 anos. Ademais ten realizado tamén talleres en diferentes colexios, coa participación de máis de 700 alumnos e alumnas. *e-cidadania <http://ecidadania.org>* No último ano a nosa cooperativa ten apostado firmemente por elaborar unha aplicación de código aberto para a participación cidadá, que sexa aplicable tanto para asociacións, empresas ou administracións. Esta plataforma vai permitir cubrir un proceso de participación completo ou complementar un proceso presencial a través do desenvolvemento de diferentes módulos que permiten dar cobertura a todas as súas actividades e tarefas. Para iso contamos coa experiencia de Cidadania no desenvolvemento de metodoloxías de participación en distintos ámbitos e territorios, así como o apoio de colaboradores tecnolóxicos e da comunidade do software libre para o desenvolvemento informático da ferramenta. *As Fragas artesás <http://www.artesansdoeume.org/spa/actividades.html>* Cidadania participará na realización dun proxecto de sensibilización ambiental a través das actividades artesanais no Eume. Un proxecto que enlaza os recursos naturais coas actividades artesanais e a oferta turística, e que conta coa colaboración da Asociación de Artesáns do Eume. Este proxecto é promovido polo Concello de As Pontes e encádrase dentro das axudas que a Xunta de Galicia ten en materia de conservación dos recursos naturais e o fomento de accións para o desenvolvemento sustentable dos espazos naturais protexidos. Cidadania entra en CIMAS <http://redcimas.org> O Observatorio Internacional de Ciudadanía y Medio Ambiente Sostenible (CIMAS) é unha entidade sen ánimo de lucro que ten como cometido principal o deseño e aplicación de procesos de participación social no ámbito do desenvolvemento local e social e que sexan ambientalmente sostibles. Esta asociación é a principal rede de colaboración dos profesionais de España neste campo de actividade. Desde novembro de 2011, Cidadania entra a formar parte desta entidade cos obxectivos, entre outros, de desenvolver liñas de colaboración coas entidades, institucións e profesionais que participan no Observatorio, e fomentar o debate sobre as formulas para a dinamización de procesos de participación. Web <http://www.cidadania.coop> | Blog <http://cidadania.blogaliza.org> | Facebook <http://facebook.com/cidadania.coop> | Youtube <http://youtube.com/cidadaniacoop> | GitHub <http://github.com/cidadania> | enviar a un amigo <mailto:?subject=Recomendado&body=Recom%E9ndoche+a+cooperativa+cidadania.+http://cidadania.coop> *Cidadania S. Coop. Galega* Corredoira das Fraguas, 5, 1º Esq. Santiago de Compostela (A Coruña) cidadania(a)cidadania.coop <mailto:cidadania@cidadania.coop> www.cidadania.coop <http://www.cidadania.coop> darse de baixa do boletin <mailto:boletin-leave@info.cidadania.coop> | preferencias da suscrición <https://info.cidadania.coop/cgi-bin/mailman/listinfo/boletin>