[GALPon] Obradoiro «mapas na web»

*Mapas libres na web a partires de 0* Creando e integrando un mapa dinámico (Slippy Map <https://wiki.openstreetmap.org/wiki/Deploying_your_own_Slippy_Map>) Unha vez máis, en GALPon estamos a artellar un obradoiro especializado dirixido, pero non de xeito excluínte, a desenvolvedores e editores web. Cada vez máis é necesario integrar algún mapa na web, ven sexa algo simple como indicar unha localización/posición ou capas descritivas dunha actividade humana, meteorolóxica, xeográfica, etc... O máis frecuente e recorrer ao mapa privativo de Google Maps co uso da súa API para integrar mapas nas publicacións. A nosa intención e que os desenvolvedores e o público en xeral poidan dispoñer de habilidades que lles permita usar os recursos libres actualmente dispoñíbeis, maiormente baseados en *Open Street Maps*, pero non só. Unha das mais empregadas pola súa sinxeleza é *Leaflet*. Leaflet <https://leafletjs.com/> converteuse nos últimos anos nunha das alternativas mais empregadas para crear mapas interactivos con JavaScript, a súa biblioteca é pequena polo que é recomendábel para aplicacións móbeis. leaflet-mapsLeaflet, é un proxecto moi sólido que dispón dunha documentación moi completa, isto faino unha alternativa moi apreciada polos noveis, conta tamén cunha comunidade moi activa en internet, onde comparten información e exemplos. Outra alternativa é *OpenLayers3*. OpenLayers <http://openlayers.org/> é unha biblioteca JavaScript liberada baixo a licenza BSD para compor mapas dinámicos. Forma parte dos proxectos da Open Source Geospatial Foundation <http://www.osgeo.org/>. Xunto con GeoExt é a combinación perfecta para crear unha aplicación «web mapping». Deste obradoiro faremos dúas edicións, cada unha terá unha duración de 6 horas, tres de mañá e tres de tarde, celebraráse en Vigo en dous sábados ainda por determinar en datas comprendidas entre o 8 de setembro e o 20 de outubro, e, como sempre, serán de balde e de libre acceso ata o límite de prazas e con inscrición obrigatoria. Aínda que non temos pechadas as datas nin o lugar, podedes ir facendo a vosa (pre)inscrición a fin de reservar praza e escoller edición xa que as prazas estarán limitadas a 20 por edición. https://goo.gl/forms/ntfLTNdkyNLgtqnD3 Nota: ambas as edicións serán iguais, facemos dúas só para dar cabida a máis asistentes. Dirixirán o obradoiro: - Micho García (@michogar <https://twitter.com/michogar>) - Experto en desenvolvemento de aplicacións en entornos SIG baixo diferentes linguaxes. - Geomatico - http://michogarcia.org/ - Francisco Puga (@fpuga <https://twitter.com/fpuga>) fran.puga(a)gmail.com - Desenvolvedor en iCarto - http://icarto.es/ Coa colaboración de Xeoinquedos <http://xeoinquedos.wordpress.com/> capítulo galego de Geoinquietos <http://geoinquietos.org/> -- Membro do «Grupo de Amigos GNU/Linux de Pontevedra (GALPon)» http://galpon.org Membro de «Proxecto Trasno» http://trasno.gal Co-coordinador do proxecto «GALPon MiniNo» http://minino.galpon.org