[Galpon] Fwd: [LUGS] [Fwd: [Rolda] Actualidade sobre patentes - EPLA]

---------- Mensaje reenviado ---------- Subject: [LUGS] [Fwd: [Rolda] Actualidade sobre patentes - EPLA] Date: Lunes, 18 de Septiembre de 2006 20:53 From: "Suso Baleato" <suso(a)ffii.org> To: lugs(a)linux-galicia.org ---------------------------- Original Message ---------------------------- Subject: [Rolda] Actualidade sobre patentes - EPLA From: "Suso Baleato" <suso(a)ffii.org> Date: Mon, September 18, 2006 1:25 pm To: rolda(a)mesagalega.info -------------------------------------------------------------------------- Como saberedes, as oficinas europeas de patentes continúan aprobando patentes de software, forzando a interpretación dalgunhas leis e convenios relacionadas co tema. As oficinas de patentes son organismos emanados do Convenio Europeo de Patentes; paradóxicamente o mesmo que no seu artigo 52 exclúe o software como materia patentabel. Isto é importante por que moitas veces queren facernos crer que son organismos de interese público, cando en realidade non están sometidos ao control institucional nin democrático. Con todo, debe quedar claro que estas patentes _non_ teñen validez xurídica en Europa, en grande parte pola implicación de moitos/as de vós nas recentes campañas de protesto (peche de webs, sinaturas, manifestacións e outras). A cousa é que os grupos propatentes continúan no seu empeño para legalizar as patentes de software que estas oficinas están validando. Como saben que os europarlamentarios non queren nin oir falar do tema "patentes de software", o que fan é tratar de legalizas por elevación, ou sexa, establecer mecanismos para a legalización de toda clase de patentes (biolóxicas, semiconductores, químicas, etc) incluíndo sen mencionalas, as patentes de software. Esto é precisamente o que tratan de facer agora coa EPLA. Estas son as siglas de European Patent Litigation Agreement, ou sexa, Acordo Europeo sobre Litixios de Patentes. A EPLA quere ser unha lexislación que funcione á marxe das institucións europeas, e o que pretende é que os litixios que haxa sobre patentes sexan xulgados por organismos xudiciarios que dependerían en última instancia das oficinas de patentes das que falaba ao principio. Por suposto, isto significaría que as patentes de software acabarían legalizandose no meio prazo, por que en última instancia a súa legalización dependería xustamente das oficinas de patentes. A EPLA sería válida só naquiles países que a ratificaran. No caso do estado español, sei que nistes momentos a posición é de non ratificación da EPLA, por que suporía unha interferencia no sistema xudiciario español e por que as patentes non se traducirían ao español na súa integridade (so ao alemán, ao inglés e ao francés). Pero esta situación podería cambiar se houbera un compromiso de traducir as patentes ao español nun prazo "razonabel" de tempo. A efectos prácticos, o próximo evento importante terá lugar a finais de setembro, seguramente o día 25. Nesta data o plenario do europarlamento votaría unha resolución de apoio á EPLA que nos podería facer moito daño se saíra aprobada, xa que non poderíamos decir como agora que o europarlamento está en contra das patentes de software. Por tanto, o movemento que veremos na rede durante as próximas semanas terá relación con isto. O obxecto, de novo, será informar aos europarlamentarios/as das verdadeiras intencións desta EPLA. Como alternativa, debemos propoñer que os traballos das institucións europeas continúen co seu curso, e que o sistema de patentes europeo xurda como resultado democrático das institucións, e non como triquiñuela legal das oficinas de patentes. Para estar ao tanto deste tema, en Galiza temos a lista da Mesa Galega a Prol da Innovación, no que vos podedes inscreber en http://listas.cesga.es/mailman/listinfo/rolda A nivel estatal, estaría ben inscreberse en: http://lists.ffii.org/mailman/listinfo/es-parl E a nível europeo, a información máis actualizada está en: http://lists.ffii.org/mailman/listinfo/bxl _______________________________________________ Rolda mailing list Rolda(a)mesagalega.info http://listas.cesga.es/mailman/listinfo/rolda ------------------------------------------------------- -- ----------------------------------------- Carlos Rodríguez <capri99(a)gmail.com> GALPon.org - "Abrindo as portas do Sofware Libre" VoIP <capri99(a)ekiga.net>