[GALPon] Acta da Asamblea Xeral Ordinaria 28 de Novembro 2009

Reunidos en Vigo, a 28 de Novembro de 2009, en segunda convocatoria de Asamblea Xeral Ordinaria, os Socios de GALPon na Cafetería Medalla de Oro, coa seguinte orde do día: 1.- Aprobación, se procede, do acta da reunión anterior 2.- Examinar e aprobar a memoria de actividades 3.- Examinar e aprobar as contas e balances do exercicio 2008 4.- Aprobación do plan de actividades para 2009 - 2010 Punto 1 Queda aprazado ata próxima Asamblea por non estar accesible o documento. Punto 2. Actividades realizadas 2008 - 2009 Actividade da día das letras galegas (conferencia en Ames a cargo de Miguel Bouzada). Estase pendente de recibir os cartos do traballo realizado. GALPon Minino (continuouse co traballo comezado anos anteriores). Gravacións das conferencias de GALPon realizadas dende 2004. Editáronse e montáronse estas gravacións con cargo á axuda concedida pola Secretaría Xeral de Modernización. Só resta rippear os DVD e subilos ao servidor. Licencia CC- BY-SA. A empresa Igalia tamén colaborou coa súa financiación a través dun patrocinio de 400 euros. Reunións previas para a creación da Federación. Estanse realizando reunións periódicas para consensuar o borrador dos estatutos da futura Federación. A última realizase o día 5 de Decembro. Dentro dos obxectivos da Federación están: Crear un grupo con maior operatividade Crear unha oficina de prensa (relacións externas, novas, etc) Reducir gastos de asesoría Ter certa representatividade da comunidade de Software Libre ante á Xunta Aunar recursos en rede (unificar servidores e servizos) Crear un foro de Soft Libre único en Galicia Unificar contidos técnicos (HOWTOs) Crear un servidor de contas de correo (non quedou moi claro a súa utilidade) XGN 2009. Houbo boa presencia da comunidade de Software Libre pero o espazo non foi explotado correctamente. Refírese á descoordinación coa organización do evento que sentíase como "perdida". Punto 3. Se examinan e aproban as contas ata o día da Asamblea. Quedan pendentes de que se devolva á Asociación os cargos indebidos da anterior Asesoría. Tamén queda pendente de ingreso o importe da axuda concedida que se pagou por adiantado. Por outra banda a aportación de Igalia será efectiva cando se lles envíe factura e se realice o cobro polo patrocinio. Punto 4. Plan de Actividades 2009 - 2010. Continuar co proceso de creación da Federación Realizar un ciclo de conferencias temáticas: Programas alternativos aos privativos Continuar dando soporto á GALPon Minino 2.0 (Squeeze) Participación no Festigal (dependerá da organización) XGN (dependerá da organización). Vese interesante para presentar a nova Federación. Como actividade complementaria a estes eventos considerouse interesante ofrecer un Servizo de Asistencia Técnica (SAT) para aquelas persoas que precisen axuda co GNU/Linux... Punto 5. Rogos e preguntas. Considerouse axeitado que as actividades da Xunta Directiva (en especial as actas próximas) sexan públicas para o resto do grupo. Esta premisa terase a partir de agora salvo que algún acordo da Xunta Directiva poida interferir nalgún proceso que precise de certa confidencialidade. Polo momento nada máis.