[GALPon] Solicitude de colaboración

chegoume un correo-e co seguinte contido: AMHÁRICO: Colaboracións Andamos a buscar colaboracións na elaboración de materiais sobre a lingua amhárica (ou amariñña), a lingua oficial de Etiopía, que poden ser de dous tipos: 1) Persoas con algúns coñecementos de lingüística descritiva que queiran colaborar de balde (a cambio das grazas, e da posibilidade de aprender cousas sobre unha nova lingua e sobre un sistema de escritura único) xunto cos alumnos de Tipoloxía Lingüística na tradución e/ou síntese de introducións á lingua amhárica, e na informatización de textos en amhárico, na súa glosa e na súa (para)tradución. 2) Persoas que quizais teñan (ou saiban de quen ten) materiais que poidan ser útiles para o estudo e aprendizaxe do amhárico. Interésannos sobre todo coleccións de textos bilingües (en amhárico e calquera outra lingua) e moi especialmente textos infantís (cancións, contos, etc...) Este traballo é orixinariamente unha iniciativa da asociación Menoria (http://www.menoria.org) que pediu á Universidade axuda para poder aprender sobre a lingua dos seus fillos adoptados de orixe etíope. Os resultados a que houber lugar serán postos á libre disposición de todos os interesados. Por favor, quen poida e queira colaborar contacte con: José M. García-Miguel (Lingüística Xeral) Correo-e: gallego(a)uvigo.es Despacho: FFT C55 Pensar na posibilidade de facer unha páxina web. Colaboracións que poden ser útiles: -Servizo de Publicacións -Centro de Linguas -Galpón + GRUVI ==== Si alguén se anima a colaborar na creación dunha páxina web ou xestor de contidos tipo Drupal Joomla ou similar que contacte conmigo e vemos a mellor forma de artellar esta colaboración de GALPon con este proxecto.