[GALPon] Resumo das asembleas

Envíovos un pequeno resumo do máis importante do falado e acordado nas últimas asembleas (realizadas o pasado 25 de marzo). Na Asemblea Ordinaria, destacar o seguinte: - O presidente confirma que a día de hoxe non se recibiu ningunha comunicación da AMTEGA sobre a sinatura do convenio en 2023, polo que acordamos que o presidente envíe unha mensaxe á AMTEGA. Nota: Pouco despois das asembleas o presidente púxose en contacto coa AMTEGA, que explicou que o atraso este ano é porque van cambiar a forma de organizar o convenio. - As persoas socias presentes están de acordo, unanimemente, en subir a cota de 15€ anuais a 25€ anuais. Decídese propoñer a subida na lista da asociación, para ver que opina o resto da asociación. Na Asemblea Extraordinaria, destacar o seguinte: - Acordouse escoller como membros da Xunta Directiva aos mesmos compoñentes da anterior, a saber: Miguel Bouzada, Sergio Costas, Máximo Coejo e eu mesmo, Adrián Chaves. - Tamén demos de baixa a dous socios por, de forma reiterada, non pagar as cotas. Aquelas persoas que queiran ter copia das actas só teñen que solicitalo a secretario(a)galpon.org e seranlle remitidas á conta que teña rexistrada na asociación.