[GALPon] Convocatoria de asembleas anuais

Adrián Chaves Fernández, secretario do Grupo de Amigos de Linux de Pontevedra, por orde do Presidente e conforme ao Artigo 25 dos Estatutos desta Asociación, convoco a todas as persoas socias á Asemblea Xeral Ordinaria a celebrar o SÁBADO 1 de XUÑO de 2024, ás 19:00 horas en primeira convocatoria, e ás 19:30 en segunda convocatoria coa seguinte orde do día: 1.- Aprobación, se procede, da acta da xuntanza anterior 2.- Examinar e aprobar, se procede, a memoria de actividades 3.- Examinar e aprobar, se procede, as contas e balances do exercicio 2023 4.- Aprobación, se procede, do plan de actividades para o 2024 Así mesmo, convoco na mesma data SÁBADO 1 de XUÑO de 2023, a Asemblea Xeral Extraordinaria ás 20:00 en primeira convocatoria e ás 20:30 en segunda convocatoria, coa seguinte orde do día: 1.- Elección dos membros da Xunta Directiva 2.- Ratificar a expulsión de persoas socias, a proposta da Xunta Directiva, por falta de pagamento de cotas. As asembleas terán lugar, se non hai noticias en contra, nas oficinas de Librebit/Aitire, na rúa Uruguai, nº 15, entresollado B, de Vigo. https://www.openstreetmap.org/?mlat=42.23625&mlon=-8.71763#map=18/42.23… Prégase a asistencia de todas as persoas socias. Lembrámosvos que para exercer o dereito a voto debe estarse ao día no pagamento da cota. Lembrámosvos, así mesmo, que a cota é por anos naturais. Por se alguén desexa pagar en efectivo, o Sr. Tesoureiro estará presente e poderá facer os cobros. PD. Se alguén quere engadir algún punto á orde do día, pode facelo en resposta a este fío, enviando copia a secretario(a)galpon.org antes do LUNS 27 de MAIO de 2024.