[GALPon] Convocatoria das Asembleas Xerais Ordinaria e Extraordinaria

Adrián Chaves Fernández, secretario do Grupo de Amigos de Linux de Pontevedra, por orden do Presidente e conforme ao Artigo 25 dos Estatutos desta Asociación, convoco a todas as persoas socias á Asemblea Xeral Ordinaria a celebrar o venres 19 de marzo de 2021, ás 19:00 horas en primeira convocatoria, e ás 19:30 en segunda convocatoria coa seguinte orde do día: 1.- Aprobación, se procede, da acta da xuntanza anterior 2.- Examinar e aprobar, se procede, a memoria de actividades 3.- Examinar e aprobar, se procede, as contas e balances do exercicio 2020 4.- Aprobación, se procede, do plan de actividades para o 2021 4.1.- Organización do Congreso «esLibre» 4.2.- Celebración do 20º aniversario da Asociación Así mesmo, convoco na mesma data venres 19 de marzo de 2021, a Asemblea Xeral Extraordinaria ás 20:00 en primeira convocatoria e ás 20:30 en segunda convocatoria, coa seguinte orde do día: 1.- Elección dos membros da Xunta Directiva 2.- Ratificar a expulsión de persoas socias, a proposta da Xunta Directiva, por falta de pagamento de cotas. As asembleas terán lugar, se non hai noticias en contra, no bar BQTO na rúa Zamora, nº 60, de Vigo. Prégase a asistencia de todas as persoas socias. Lembrámosvos que para exercer o dereito a voto debe estarse ao día no pagamento da cota. Lembrámosvos, así mesmo, que a cota é por anos naturais. Por se alguén desexa pagar en efectivo, o Sr. Tesoureiro estará presente e poderá facer os cobros.