[GALPon] Ubuntu vs Rolling release

Ola xente. Son usurio de Ubuntu dende fai uns poucos anos, e aínda que nin moito menos me considero un experto, non fuxo da consola e gústame ir aprendendo a "fontanaría" de GNU/Linux de cando en cando, pero sempre dende a comodidade que che da unha distro "out of the box" coma Ubuntu. Básicamente funciona e non me teño que romper moito a cabeza. Se acaso os bugs que padecín nunca foron críticos e o máis latoso e ter que compilar os drivers wifi cada vez que se actualiza o kernel, como vedes nada heroico jeje. Agora que empezo a sentirme cómodo co sistema gustaríame dar un pasiño máis. Concretamente cara unha distro rolling como pode ser Arch. Básicamente porque me cadrou instalar Ubuntu sempre uns meses antes de que saíse a LTS, e claro, alá por xullo, cando sae a primeira revisión da mesma volta outra vez a instalar (non me digades porqué pero prefiro instalar de cero que actualizar). De ahí que me xurda a curiosidade por esas outras distros que funcionan máis no canto da navalla e que aparentemente "só instalas unha vez" (sempre que non pase nada fatal claro). Se ata o de agora non me decantéi por unha foi porque non estou seguro de que me poidan ofrecer a estabilidade suficiente para o equipo có que traballo a diario. Xa sei que os parches saen rápido e que a comunidade, polo menos a de Arch, é moi activa, pero non acabo de velo claro. A lo menos mentres algún linuxero experto non me convenza do contrario ;) ¿Qué vos parecen este tipo de distros? ¿Aconsellaríadelas para un equipo de traballo? Un saúdo!