[Cidadania] Información sobre o correo electrónico

Boas tardes, Co cambio de nome a Librebit levamos a cabo varias melloras e cambios no servidor de correo. * Dispoñemos dun certificado SSL de pago no servidor mail.librebit.com. Isto quere dicir que se tedes algún problema o configurar a conta de correo nun dispositivo (móbil, tableta, ordenador) sempre podedes empregar o servidor mail.librebit.com Tanto coma servidor de entrada como de saída. Recordade que a configuración recomendada para o servidor de saída é o porto 465 e para o servidor de entrada o porto 993. En ámbolos dous casos a seguridade debe ser SSL/TLS. * Reforzamos os filtros anti-spam e activamos un sistema que aprende co tempo a filtrar os correos lixo en función dos que atope no cartafol "Spam". Por iso e recomendable que NON borredes este tipo de correos. É máis efectivo movelos ó cartafol correspondente. Naturalmente se un correo válido remata en Spam debido a un falso positivo pódese evitar que volva a suceder se o movedes a outro cartafol coma por exemplo a bandexa de entrada. * O servidor de correo borra automaticamente os correos máis antigos ca 365 días do cartafol Papeleira (Trash) e os de máis de 60 días do cartafol Spam. Por favor, preguntade se tedes algunha dúbida e para calquera problema enviade un correo a incidencias(a)librebit.com Un saúdo. -- ------------------------------------------------------------- Cosme Domínguez Díaz cosme(a)librebit.com Librebit B-15.990.013 Telf. (+34) 886 122 307 -------------------------------------------------------------